Kryetari i Partisë Demokratike të Kosovës (PDK) Memli Krasniqi, ka bërë homazhe në Izbicë, ku 24 vite më parë u vranë e u masakruan 147 qytetarë të këtij vendi.

“Sot, kujtojmë dhe nderojmë 147 martirët e një prej masakrave më të mëdha në Kosovë, asaj të Izbicës, të cilët, 24 vite më parë u vranë mizorisht nga regjimi kriminal serb. Pas fillimit të bombardimeve të NATO-s, të vetëdijshëm për fundin që po u vinte, Serbia shtoi intensitetin e fushatës së tyre gjenocidale në Kosovë, përmes dëbimit, vrasjeve e masakrave mbi civilë të pafajshëm”, ka shkruar Krasniqi.

Ai tha se gra, fëmijë, burra e pleq vriteshin gjithandej, pa shkak e pa mëshirë.

“Fatkeqësisht, janë mbi 400 masakra të kryera mbi popullësinë civile shqiptare, për të cilat, fare pak urdhërdhënës dhe ekzekutues kanë dalë para drejtësisë. Prandaj, edhe në këtë përvjetor të dhembjes, njëkohësisht krenarisë tonë kombëtare, thërrasim për drejtësi, të cilën akoma e presin dhe kërkojnë familjarët, shoqëria dhe shteti ynë”, shkruan tutje Krasniqi./Arbresh.info/

Postimi i plotë: